Фотаконкурс “Будзьма беларусамі!” стартаваў 20 кастрычніка

Адкрытая грамадская кампанія “Будзьма!” абвяшчае конкурс фотаздымкаў. Прапанаваныя на конкурс здымкі павінны ўяўляць сабою дакументальнае ці мастацкае ўвасабленне вобразаў, партрэтаў і сітуацый, якія ў аўтараў асацыююцца з Беларуссю ці беларусамі. Пераможцы конкурсу будуць вызначаны ў наступных намінацыях:

1. “Людзі Беларусі” (асобы і характары нашых суайчыннікаў)

2. “Краіна Беларусь” (краявіды і сітуацыі, якія падкрэсліваюць унікальнасць нашай краіны)

3. “Будзьма еўрапейцамі!” (беларускія асобы, сюжэты і вобразы, якія паказваюць нашу еўрапейскасць)

Усе працы павінны мець наступныя звесткі:
імя і прозвішча (па жаданні - нікнэйм), поўная дата нараджэння, зваротны электронны адрас, пажадана кантактныя тэлефоны.

Прымаюцца фотаздымкі вагой не больш за 1 мегабайт.

Фотаконкурс “Будзьма беларусамі!” будзе доўжыцца ад 20 кастрычніка 2008 г. да 31 сакавіка 2009 г.

Журы конкурсу: Міхал Анемпадыстаў, Андрэй Лянкевіч, Анатоль Кляшчук

Штомесяц будуць падводзіцца вынікі па кожнай з трох намінацый. Працы-пераможцы за месяц будуць выстаўляцца на інтэрнэт-старонцы www.budzma.org, а іх аўтары будуць урачыста ўзнагароджаныя прызамі ад кампаніі “Будзьма!”.

У сакавіку 2009 г. сярод штомесячных пераможцаў будуць вызначаныя лаўрэаты “Гран-пры” конкурсу ва ўсіх намінацыях. Апрача каштоўнага прызу, кожны з іх атрымае магчымасць займець персанальную старонку ў Інтернэце.

Адрас для дасылкі: razam@budzma.org

Кантактныя тэлефоны: + 375 29 627 35 50, + 375 29 853 55 77

ул.інф

37 каментароў »

# Мар'ян Ветразь | 20 Кастрычнік 2008, 9:48

У добры час!

[Reply]
# Ljavon | 21 Кастрычнік 2008, 1:12

Посьпехаў і ўдачы!

[Reply]
# сыр | 21 Кастрычнік 2008, 14:09

а прызы майкі? і аматары будуць з прафесіяналамі побач спаборнічаць? Было б добра калі б было болей канкрэтыкі.

[Reply]
# сыр | 21 Кастрычнік 2008, 14:13

тым больш, што старонку ў Інэце і самому зрабіць на ўра ;-) Ідэя класная, а вось на прызах як звычайна сэканомілі. Ну ў сэнсе схапілі тое, што не шкада аддаць. Ну і плюс неабмежаванасць спаборніцтва прафесіяналаў і аматараў. навошта звадзіць мыльніцы з профі-апаратамі?

[Reply]
# palasatka | 21 Кастрычнік 2008, 15:30

Чакаем большай канкрэтыкі наконт прызоў, колькасці фотаздымкаў ад аднаго аўтара, інфармацыі пра тое, хто мае права ўдзельнічаць і г.д. )
Здаецца, у мяне ўжо ёсьць, што паказаць.

[Reply]
# Alena | 21 Кастрычнік 2008, 16:17

Сістэма ацэнкі і прадстаўлення фотаздымка на конкурс вельмі простыя. Вы дасылаеце фотаздымак, які на Вашу думку адпавядае абвешчанай намінацыі, можаце дасылаць некалькі, але ў межах рузмнага. Журы конкурсу будзе глядзець дасланы здымак на прадмет арыгінальнасці, наколькі ён раскрывае ідэю, адпавядае заяўленай намінацыі, а не на ўзровень прафесіяналізму выканання здымка, ці кошт фотаапарата. А прыз пераможцам не агучваецца, у кампаніі павінна быць інтрыга:)

[Reply]
# Ferne | 29 Кастрычнік 2008, 22:56

А дзе глядзець фотаздымкі?

[Reply]
# kviat | 30 Кастрычнік 2008, 16:11

2 тым больш, што старонку ў Інэце і самому зрабіць на ўра

Магчыма, вы профі, але паверце, што зрабіць якасны сайт — гэта і час, і высілкі дызайнэра і праграміста. І шмат каму гэта не пад сілу, і паверце, што перад тым, як выбіраць гран-пры, мы ладзілі фокус групу, і персанальны сайт — гэта крута для многіх. Так што папрок не прымаем :)

[Reply]
# Влад | 31 Кастрычнік 2008, 23:54

если такими темпами будут публиковаться фоты то как раз к 2010 году увидим всех авторов

[Reply]
# We are the greatest! :: Ад “Будзьма разам!” :: November :: 2008 | 2 Лістапад 2008, 2:14

[...] Ад “Будзьма разам!” Цэтлікі запісу: уласна_блёг_сам, Беларусь Фотаконкурс “Будзьма беларусамі!” стартаваў 20 ка… [...]
# сыр | 5 Лістапад 2008, 12:22

у нашых умовах інтрыга з прызамі значыць іх хм… эээ… у лепшым выпадку яшчэ не набытасць ))) Хаця навошта разглядаць як папрок? ))) Я вам тут дыскусію развіваю. Канечне, мяне цьмяныя прызы не задавальняюць. Як і прыватныя старонкі - на мой погляд, са з’яўленнем блогаў гэтая справа засталася ў мінулым.
А дарэчы, як там справа з аплатай хостынгу і дамену для гэтых старонак? ))) Не на кожны бясплатны хостынг зал’еш творчасць дызайнера(Ў?!) і праграміста(ў!) :-)
а цікава паболей даведацца пра фокус-групу, дзе так зацікавіліся прыватнай старонкай )) колькі чалавек? як адабраная? ))))
эх былі б у вас прызы пасур’ёзней было было б добра кагосьці з дыяспары ўзнагародзіць. І не прыватная старонкай а прыстойнай для цэлай абшчыны ))) Хаця б нейкая справа карысная была. А з астатняга хостынг аплаціць. А астатняе дзяцінства. Не па памеры праекта.

[Reply]
# kviat | 5 Лістапад 2008, 15:10

дасылайце прапановы. ад сапраўднага імя :)

[Reply]
# сыр | 6 Лістапад 2008, 13:08

:-) А што на гэтым сайце ўсе пад сапраўднымі імёнамі? ))) Вы не любіце сыр? )))
А калі сур’ёзна, тое для мяне не праблема даслаць прапановы пад сапраўдным імём ). Іншая справа - з сумневам стаўлюся да іх рэалізацыі, выйшла з узросту бясплатнай працы генератарам ідэяў і ў выніку шкада свайго часу ). Таму я тут нешта напісала, калі вам будзе карысна, карыстайцеся, калі не - дзякуй за ўвагу і прыемную размову. ) Мо калі-небудзь сюды яшчэ зайду.

[Reply]
# сыр | 6 Лістапад 2008, 13:10

аааа жахлівая абарона ад спаму ))) Наша ніваўская болей падабаецца )

[Reply]
# Влад | 6 Лістапад 2008, 21:58

Народец нынче каой-то меркантильный стал, подавай им призы дорогие, камеру зеркалку или хостинг дорогой, а то мол мы и заходить сюда не будем… капитализм ныне… Буду, мол, я беларусом, но только за деньги…

[Reply]
# Влад | 6 Лістапад 2008, 22:01

Зы: Вот только авторы конкурса говорили о том, что уже работы прислали несколько десятков авторов, а видим пока только 6, видимо у нас все делается спустя рукава, не торопясь…

[Reply]
# Ратмір | 7 Лістапад 2008, 9:52

Ім проста фота даслалі ўжо больш за 50 аўтараў, вось і вырашылі выкладваць па аднаму ў дзень ;) Яны нават у асобнай навіне пра гэта напісалі: http://www.budzma.org/budzma/abvyestka-pa-fotakonkursye.html

[Reply]
# Влад | 7 Лістапад 2008, 11:55

То есть, при условии подведения итогов ежемесячно, в течение этого месяца мы даже не сможем увидеть работы всех авторов и оценить насколько правильно подведены итоги? А это еще наверное работы будут приходить…
Мне кажется надо подходить более серьезно к данному мероприятию, это же вроде не падонкафский форум, вроде серьезный проект…

[Reply]
# kviat | 7 Лістапад 2008, 12:15

Шаноўны Влад, конкурс ладзіцца на сайце, і таму мы зацікаўленыя ў тым, каб на ЎВЕСЬ месяц хапала фотаздымкаў, якія б публікаваліся з той ці іншай пэрыядычнасьцю. Тыдзень таму ў нас было крыху больш за 20 аўтараў, і мы вырашылі публікаваць па адным на дзень (і нават радзей). Цяпер аўтараў больш за 50, і мы будзем публікаваць па два аўтары. Калі ў наступным месяцы будзе меней здымкаў — будзе адпаведная пэрыядычнасьць публікаваньня.

[Reply]
# Фотаконкурс “Будзьма беларусамі!” Міхальчук Сяргей : Будзьма разам! | 8 Лістапад 2008, 17:16

[...] Сяргея Міхальчука з Берасця, дасланыя на фотаконкурс “Будзьма беларусамі!” Намінацыя “Краіна Беларусь”, “Вясковая [...]
# Фотаконкурс “Будзьма беларусамі!” Андрэй Шышко : Будзьма разам! | 8 Лістапад 2008, 18:07

[...] Андрэя Шышка, дасланы на фотаконкурс “Будзьма беларусамі!” Намінацыя “Краіна Беларусь”. Ляснове возера ў [...]
# сыр | 9 Лістапад 2008, 1:44

:-) баюся, сп. Влад, што ў Беларусі большасць і за грошы не згодна быць беларусам. ) Напрыклад па-беларуску размаўляць ) А то я б прыплочвала з задавальненнем - падатак на беларускасць.
Дзякуй, што змянілі абарону ад спаму )
Фоткі дарэчы пайшлі цікавыя ) Удачы.

[Reply]
# Аляксей | 9 Лістапад 2008, 22:16

А я даслаў фотаздымкі, але праз mail.ru і таму ў лісце, мусіць, не адлюстраваліся літары “і” і “ў”. Што рабіць?

[Reply]
kviat Reply:
11 Лістапад 2008 at 17:53
дарэчы, выбар мэйл.ру ў 21 ст. шчыра дзівіць :))

[Reply]
Аляксей Reply:
12 Лістапад 2008 at 19:13
Па-першае: я наогул карыстаюся космасаўскай паштовай скрыняй, але я страціў ад яе пароль, і таму зараз трэба ехаць на офіс… А на мэйл ру скрыня была даўно… Я ужо і забыў, што яна беларускую мову не ўспрымае…
Сапраўды… што рабіць? Можа даслаць зноў?

[Reply]
kviat Reply:
13 Лістапад 2008 at 1:02
ды паставім мы кропікі над “і” :)
# Аляксей | 9 Лістапад 2008, 22:18

Застаецца толькі спадзявацца, што ўсё дакладна зразумеюць…

[Reply]
kviat Reply:
30 Кастрычнік 2008 at 15:20
http://www.budzma.org/fotakonkurs

[Reply]
# Аляксей | 14 Лістапад 2008, 19:58

Калі ласка, выправіце ў апісанні фотаздымкаў Алісевіча Аляксея: веска не “Шарып”, а “Шарыпіна”. Загадзя дзякуй. А ў астатнім ўсё як трэба зразумелі)

[Reply]
# lorss | 17 Лістапад 2008, 11:22

o! ja prydumala fotazdymak!!!!! AAaaa!!! zrabliu!

[Reply]
# Marin | 26 Лістапад 2008, 22:14

А почему комментарии к фотографиям удаляют???Где же свобода самовыражения??? Зачем тогда всё это нужно, если твои мнения xbcnzn???Бред!Не понимаю!

[Reply]
jula Reply:
26 Лістапад 2008 at 23:48
Спадар/ыня Marin, удакладніце, калі ласка, каментар да якога запісу і якога зьместу вы лічыце выдаленым.

[Reply]
# Marin | 28 Лістапад 2008, 0:38

все комментарии к фотографиям на конкурс!

[Reply]
jula Reply:
28 Лістапад 2008 at 17:13
мне падаецца, менш, чым іх было, ня стала. калі насамрэч такое адбылося, то, мабыць, з тэхнічных прычынаў.:) ці можаце даць канкрэтныя прыклады выдалення?

[Reply]
Marin Reply:
30 Лістапад 2008 at 0:14
А что писать и как доказать, если всё подчистую стерто!!!Просто Вам,Уважаемые, скорее всего они пришлись не по душе!Очень жаль, т.к. они были критичными…и не больше того!!!

[Reply]
# Marin | 30 Лістапад 2008, 0:17

И я не верю в технические причины, т.к. спустя час, после написания они были и их видели люди, а на следующий день всё сдуло,как ветром:(

[Reply]
# Аляксей | 8 Снежань 2008, 16:37

Вялікі дзякуй за падарункі! Вельмі прыемна…

[Reply]