Што ў Беларусі паказаць замежніку? А што беларусу-дамаседу, які апроч працы і дому раз на год знаходзіць час адно на Крым ці Турцыю і зусім не ведае сваёй краіны?

Старадаўнюю архітэктурную спадчыну, помнікі савецкага часу, лядовыя палацы, аграгарадкі, краявіды дзікай прыроды, закінутыя хутары, дахрысціянскія курганы ці проста людзей?

Адкрыйце вашы тэчкі з файламі ў кампутарах, прагледзьце стужкі з фотаздымкамі, назбіранымі за лета, і ўдзельнічайце ў фотаконкурсе сайту «Будзьма разам!»

Тэматыка:

Любы жанр і аб’ект, які на ваш погляд адпавядае панятку «Турыстычнай Беларусі». Абавязкова Напішыце колькі сказаў — чаму вы прапануеце менавіта абраны аб’ект здымкі.

Умовы:

Работы прымаюцца ад 31 жніўня да 30 верасня;

Адна асоба можа ўдзельнічаць адзін раз;

Дасылайце здымкі на адрас razam () budzma.org з пазнакай «фотаконкурс»;

Да разгляду прымаюцца тры першыя файлы са здымкамі, далучаныя да ліста;

Перамер здымкаў 900х600 пікселяў;

Неабходна, каб працы мелі назву;

Аўтар пазначае ў лісце імя і прозвішча, узрост, месца жыхарства і кантактны тэлефон;

Рэдакцыя сайту «Будзьма разам!» пакідае за сабой права не публікаваць здымкі, калі іх тэхнічная якасць відавочна непрымальная, альбо калі палічыць, што сюжэт здымку не адпавядае тэме фотаконкурсу;

У конкурсе будуць тры пераможцы:

– паводле версіі прафесійных фатографаў (спіс экспертаў будзе апублікаваны перад заканчэннем конкурсу),

– паводле версіі рэдакцыі сайту «Будзьма разам!»,

– Паводле вынікаў галасавання на сайце — прыз глядацкіх сімпатый (Адмысловая галасавалка будзе створаная адразу па заканчэнні конкурсу).

Пераможцы ў якасці прызу атрымаюць квіток на дваіх на экскурсійную паездку па Беларусі ў кастрычніку, арганізаваную Таварыствам аховы помнікаў і аб’яднаннем «Гісторыка».

Рэдакцыя «Будзьма разам!» не плануе выкарыстоўваць здымкі для іншых, апроч конкурсных, мэтаў.