Другі этап галасавання «Імёны Беларусі: топ-12″ скончыўся.
Сябры, у першым этапе галасавання мы ставілі задачу абраць тузін асобаў, імёны якіх сёння могуць найбольш паспяхова ствараць пазітыўны вобраз Беларусі ў свеце.
У другім выбіралі імёны па намінацыях:
– самыя выбітныя гістарычныя асобы зямлі Беларусі ўсіх часоў;
– самыя выбітныя гістарычныя асобы замежных краін і культур, народжаныя на зямлі Беларусі;
– сучаснікі, якія ствараюць пазытыўны вобраз Беларусі ў свеце.
Вынікі гл. ніжэй.
Цяпер цягам траўня мы будзем звяртацца да прызнаных аўтарытэтаў у сваіх галінах з просьбай скласці і абгрунтаваць свой тузін Імёнаў Беларусі: гісторыкаў, публіцыстаў, літаратараў, філосафаў, каб супольна абраць выніковы топ-12 Імёнаў Беларусі.
Самыя выбітныя гістарычныя асобы зямлі Беларусі ўсіх часоў
- Быкаў Васіль, пісьменнік (284 галасоў)
- Скарына Францішак, беларускі першадрукар (243 галасоў)
- Вітаўт, Вялікі князь Літоўскі (191 галасоў)
- Каліноўскі Кастусь, палітычны дзеяч (171 галасоў)
- Караткевiч Уладзiмiр, пісьменнік (141 галасоў)
- Сапега Леў, канцлер (140 галасоў)
- Полацкая Еўфрасіння, асветніца, прылічаная да святых Рускай праваслаўнай царквой (110 галасоў)
- Купала Янка, паэт (107 галасоў)
- Астрожскі Канстантын, князь, паспяховы вайсковы начальнік (89 галасоў)
- Багдановіч Максім, паэт (77 галасоў)
- Колас Якуб, пісьменнік (60 галасоў)
- Багушэвiч Францiшак, паэт, ідэолаг беларускай нацыянальнай ідэі (52 галасоў)
Разам галасоў: 609
Loading ...Самыя выбітныя гістарычныя асобы замежных краін і культур, народжаныя на зямлі Беларусі
- Касцюшка Тадэвуш, палітычны і ваенны дзеяч (267 галасоў)
- Шагал Марк, мастак (243 галасоў)
- Агінскі Міхаіл Клеафас, кампазітар (191 галасоў)
- Міцкевіч Адам, паэт (171 галасоў)
- Орда Напалеон, мастак (118 галасоў)
- Малевіч Казімір, мастак (111 галасоў)
- Дамейка Ігнат, геолаг (105 галасоў)
- Манюшка Станіслаў, кампазітар (77 галасоў)
- Азімаў Айзэк, пісьменнік-фантаст (73 галасоў)
- Чачот Ян, паэт, фалькларыст і драматург (49 галасоў)
- Плятэр Эмілія, удзельніца паўстання 1831 года (47 галасоў)
- Сухі Павел, авіяканструктар (43 галасоў)
Разам галасоў: 591
Loading ...Сучаснікі, якія ствараюць пазытыўны вобраз Беларусі ў свеце
- Барадулін Рыгор, паэт (331 галасоў)
- Някляеў Уладзімір, пісьменнік (317 галасоў)
- Вольскі Лявон, музыкант (298 галасоў)
- Міхалок Сяргей, музыкант (123 галасоў)
- Арлоў Уладзімір, пісьменнік (122 галасоў)
- Глеб Аляксандр, футбаліст (121 галасоў)
- Пазняк Зянон, палітык, стваральнік БНФ (105 галасоў)
- Кіт Барыс, канструктар ракетнай тэхнікі (97 галасоў)
- Алексіевіч Святлана, пісьменніца-дакументалістка (86 галасоў)
- Кірчук Іван Іванавіч (лідэр гурта Этна Трыа Троіца), музыкант (84 галасоў)
- Вайцюшкевіч Зьміцер, музыкант (74 галасоў)
- Шушкевiч Станiслаў, палітык (64 галасоў)
Разам галасоў: 885
Loading ...
Партызан
сьв. Еўфрасіньня Полацкая была найперш кананізавана Ерусалімкае Праваслаўнае Царквой (менавіта таму яе мошчы былі вывезены з Ерусаліму ў часе ягонага захопу мусульманамі). Усё іншае – толькі вызнаньне першае кананізацыі.
І, да вялікіх гісторыкаў, РПЦ вызнала сьв.Еўфрасіньню сьвятой толькі ў 1684 г. А ў Кіеўскай Праваслаўнае і Ўніяцкае Цэрквах яна ўшаноўвалася яшчэ зь ХІІІ ст.
Alex
A dzie ž Adam Mickievič, ci jaho całkam palakam addali?
kviat
дзякуй, не аддалі :) проста мэханічная памылка, калі іншае імя паставілі замест яго. выправілі.
Вадзiм Казначэеў
Гэткі падзел, шчыра кажучы, падаецца мне не дужа правамерным. Ну якія Орда ці Агінскі — «гістарычныя асобы замежных краін і культур»? Дый Міцкевіч, якога абавязкова трэба ўлучыць (усё жыцьцё лічыў сябе ліцьвінам, а не палякам, і дзея найбольш знакамітай паэмы адбываецца ў нашых краях, і сама паэма пачынаецца са слова «Літво!..». І Шагал (у творчасьці якога заўжды прысутнічалі віцебскія матывы), і Касьцюшка. На стыку — так. Дык у Беларусі лёс такі — на стыку. Але ж цалкам пад гэтую рубрыку з пералічаных трапляюць хіба што Азімаў і Рыбак. І Барыс Кіт, дарэчы (які знаходзіцца пад іншай рубрыкай). Варта было б адмовіцца ад гэтай рубрыкацыі. І вызначаць хіт-тузін незалежна ад сувязі з замежжам і ад таго, ці жывыя зараз.
vadim_i_z
А пры чым тут банэр «SEX & DRUGS»?
kviat
а чаму апэрацыя «Ы»? :)
Thomas
DZIE DOMRAČAVA I HOCKEYISTY????????????????!!!!!!!! Ich užo śviet palepiej viedaje čym Volskaha, naprykład, pry ŭsioj majoj vialikaj pavazie da hetaha muzyki. Ja aburany
Алесь
А хто у вас галава падлiковай камiсii?
Лiчыць ён як Ярмошына.
Адзiнаццатага у абед за Вольскага было 144 галасы, а пасля поуначы раптам ужо аказалася 298!!!
За 6 дзён за Вольскага прагаласавала столькi ж колькi за апошнюю перад заканчэннем галасавання палову дня. Дзiуна!!!
kviat
я зьвярнуў увагу на тое, як рэзка някляева вывелі ў лідэры, і як пасьля за дзень барадулін яго крыху апярэдзіў. я думаю, пара камандаў пазмагалася. тое ж, відаць, і з вольскім.
Lutavit
У вас, шаноўныя, Міцкевіч, Касьцюшка, Орда – дзеячы іншых краінаў і культураў? Ну-ну, прапагандысты беларушчыны, вы так дапрапагандуецеся…
За «сэкс, драгз, Скарыну» – галаву адарваць увогуле, няўжо нельга разумець, што кожнай рэчы – сваё мейсца? Элемэнтарная, здавалася б, штука?
Stod
сэкс наркотыкі скарына?? ды вы пазорнікі проста.
Сярожа
Някляеў стварае пазытыўны вобраз Беларусі ў свеце? Ці чуў хто пра яго акрамя наведвальнікаў budzma.org?
Хлапчук
I тут лаемся…
Julian
Bardzo ciekawe, zwłaszcza pierwsze komentarze, pozdr.